គំនិតបែបខ្មែរនិយម
ដើម្បីខ្មែរបានគេស្គាល់ច្រើនតើយើងធ្វើដូចម្តេចខ្លះតាមវិធីងាយៗ នៅ KTI ?
ចេញផ្សាយថ្ងៃទី ១០ ខែ កញ្ញា ឆ្នាំ២០២៥
ខណៈពេលដែលថ្នាក់ដឹកនាំបានប្រសិទ្ធនាមថា «អាកាសយានដ្ឋានអន្តរជាតិតេជោ៖ ច្រកទ្វារថ្មីរបស់កម្ពុជាឆ្ពោះទៅកាន់ពិភពលោក» បានដាក់ឱ្យដំណើរការចាប់ពីថ្ងៃទី ៩ ខែកញ្ញា ឆ្នាំ២០២៥, ខ្ញុំ គាំទ្រពេញទំហឹង ៖
ទី១- បន្តបង្ហាញសិល្បៈវប្បធម៌ខ្មែរនៅច្រកអន្តរជាតិចេញចូល ជាប្រចាំ ដោយផ្លាស់ប្តុរទម្រង់សម្ដែងសិល្បៈ។ ពេលខ្លះ អាចយកទម្រង់សិល្បៈសម្តែងដូចករណីឆៃយ៉ាំ ដែលមានសម្លេងបែបទាក់ទាញកន្ត្រាក់អារម្មណ៍ ហើយក៏អាចប្រគុំជាចង្វាក់រាំ នាំភ្ញៀវរាំសប្បាយផង។
ទី២- ជំរុញឱ្យមានលក់ផលិតផលម៉ាកក្នុងស្រុកឱ្យច្រើន រួមទាំងអាហារ ភេសជ្ជៈ។ ករណីរដូវបុណ្យភ្ជុំ ក៏អាចមាននំអន្សមជូនភ្ញៀវទិញឬភ្លក្សបាន។
ទី៣- កសិផល ដែលជាមុខទំនិញយុទ្ធសាស្ត្រសក្ដានុពលជំរុញនាំចេញ (គ្រាប់ស្វាយចន្ទី ម្រេច អង្ករក្រអូបលេច១...) គួរជំរុញតាំងបង្ហាញ ឬលក់ ឬជូនភ្លក្ស...។
សាសន៍ក្បែរខាងកម្ពុជា គេតែងបង្អាប់យើង រីឯយើងខ្លួនឯងត្រូវចេះចាប់ឱកាសប្រឹងប្រែងច្នៃប្រតិដ្ឋ ផលិត ផ្សព្វផ្សាយ...ឱ្យច្រើន ឱ្យខ្លាំង៕
ប្រភពហ្វេសប៊ុក យង់ ពៅ
